Vrydag
het toe nou nie sonder sy haakplekke verloop nie. 9-uur die oggend lê
my Mosbolletjie gespit en gepolish, gereed om te ry, maar ál wat kom
is die ambulans. En sy wag! Dan kry ek 'n moedelose oproep van
Bettie: Die ambulans het gebreek! Daar word 'n ander ambulans van
Durban af gestuur, en twee ure later is sy uiteindelik op pad.
Wanneer
sy haar lê gekry het in die rehabilitasie sentrum, kom kloek ál
wat 'n dokter en verpleegster en terapeut om haar, en elkeen wil kom
sien presiés wie en wat hulle mee te doen het. En dan is daar die
2000 vrae wat volg: Is jy swanger? Rook jy? Suip jy? Watter operasies
het jy gehad, en wanneer? Tot vervelens toe!
Sy
word uitgereik met 'n rolstoel, en dan kom twee verpleegsters en
vervang haar nagklere met gewone klere. Hier word nie geslaap nie –
hier word gelééf en gewerk!
Saterdagoggend
kom twee dames ingewals: “Toe, toe, dis opstaantyd!” En vir die
héél eerste keer in meer as 'n maand word sy uit die bed gehelp in
die rolstoel in.
Vryheid!
Ontbyt
gaan nuttig sy in die eetsaal aan tafel. O wat 'n wonderlike
bevryding van die bed!
Naweke
gebeur daar nie veel in die sentrum nie. Sy kry 'n sessie in die
gimnasium, en Sondag spandeer ons 'n heerlike tydjie saam met haar.
Sy word net saggemaak vir wat voorlê Maandag!
Maandag
begin al die aktiwiteite in alle erns. Dis 'n fisioterapeut wat haar
pynig, 'n arbeidsterapeut wat haar die geheime van die lewe leer, en
boonop nog twee sessies in die gimnasium. Teen slaaptyd is sy
poegaai!
Maar
dit gaan baie goed met my Mosbolletjie. En ek verlang my vrek na
haar!
Dit klink nou of jou dierbare Mosbolletjie op die regte plek is vir goeie versorging en herstel. Hoop dat sy elke dag sterker sal word. Bid vir haar gesondheid en vir jou wat haar en ons dagstukkievolgers so getrou bystaan.
AntwoordVee uitHierdie opmerking is deur die outeur verwyder.
AntwoordVee uitMiddag Louis,
AntwoordVee uitek dink ek is nie die enigste 1 wat wonder hoe dit met Bettie gaan nie. Ek glo dis maar opdraande, maar ons is baie wat vir julle bid.
Se vir haar baie liefde en groete van almal.
Alice
Sterkte vir ou Bettie met haar boot camp mannewales en vir jou en Ria by die huis, ons bid vir julle!
AntwoordVee uit