Bettie
se toestand - opgedateer 1 Augustus 8:00vm
Ek
wil net eers baie, baie dankie sê vir talle e-posse, oproepe en
boodskappies op my selfoon wat my en Bettie bemoedig in hierdie
moeilike tyd van beproewing. Ons waardeer dit opreg.
Gisteraand
tydens besoektyd het Bettie weer baie beter gelyk. Sy het lekker
gesels en selfs weer met die susters geskerts.
Die
fisioterapeut het haar gistermiddag 'n hewige pak slae gegee om die
longe te probeer skoonkry. Daar is ook x-straalplate geneem van haar
ingewande. Hulle het egter die x-straalmasjien na haar toe gebring in
die waakeenheid en dit gedoen sonder dat sy geskuif is, so vertel sy
my.
Ek
dink dat dit te veel moeite sou wees om haar na die x-straalkamer te
neem, want daar is talle pype en drade aan haar gekoppel, en daar is
nie minder nie as 9 sakkies met allerhande soorte medikasie wat
gelyktydig in haar are drup. En elke sakkie het sy eie masjien en
monitor. Dit lyk erger as 'n Boing se stuurkajuit!
Bettie
is positief en opgeruimd, maar ek kon sien dat sy baie moeg en swak
is. Ek sal na vanoggend se besoek weer 'n opdatering gee.
Geen opmerkings nie:
Plaas 'n opmerking